1.

Mir Schwiizer händs luschtig, mir Schwiizer sind froh
händ bim Tschutte i de Barrage no es Plätzli übercho
Italie und Holland het s'Glück scho verloh,
drum müend halt jetzt beidi hinter d'IKEA-Kasse stoh.

2.

Mir Senne händs luschtig, mir Senne sind zwäg
sind uf Alpe und Weide und vo allem wiit wäg
Mir streichled a de Üter, what we can do
und am Obig seit d'Chue – «hashtag me too».

3.

Mir (Ober)siggenthaler händs luschtig,
mir (Ober)siggenthaler händs guet
Leider simmer immer Pleite, was öis nid störe tuet
Kurtheater, Tägi, Mättelistäg: mir zahled kein Teil
Zahle tüend zum Glück di andere – will: «Geiz ist Geil!».

4.

Mir Schaffhuser händs luschtig, mir Schaffhuser händs guet
Es isch öis nie langwilig, will so viel passiere tuet
Bi dä Chrankekasse jommerisch über din Elleboge
En Sensemaa mit Motorsagi, wott di scho go hole.

5.

Mir im Wallis händs luschtig, mir im Wallis händs guet
Händ höchi Bärge, grüeni Täler und im Härze viel Gluet
öisi Kampf-Chüeh kämpfet muetig, es macht au mal «päng»
aber euisi gröschti Kampfsau, isch doch de Constantäng.

6.

Mir Räntner händs luschtig, mir Räntner händs guet
Mer überchömed weniger Ränte, was öis nid störe tuet
Au ohni AHV-Reform isch Pfläg gsicheret im Land,
nur nid i de Schwiiz, sondern im ferne, warme Thailand.

7.

Mir Davoser händs luschtig, in Davos isch viel los
Es chömed viel Promis, es flüsst au viel Moos
Aber d'Panzer und d' Helis, tüend d'Stimmig vermiise
und denn chonnt no das Shithole mit siner blöde Friise.

8.

Mir Badener händs lustig, mir Badener sind froh
Müend zum Rase jetzt nümm uf dütschi Autobahne go
Chönd beruhigt wieder mit Vollgas dur's Städtli dore flitze
Es geils Gfühl – im Gstüehl döfets nämli nid Blitze.