Schlümpf music for fun

Mir Badener händs lustig, mir Badener sind froh
Müend zum Rase jetzt nümm uf dütschi Autobahne go
Chönd beruhigt wieder mit Vollgas dur's Städtli dore flitze
Es geils Gfühl – im Gstüehl döfets nämli nid Blitze.

-

Mir im Wallis händs luschtig, mir im Wallis händs guet
Händ höchi Bärge, grüeni Täler und im Härze viel Gluet
öisi Kampf-Chüeh kämpfet muetig, es macht au mal «päng»
aber euisi gröschti Kampfsau, isch doch de Constantäng.

-

Mir Davoser händs luschtig, in Davos isch viel los
Es chömed viel Promis, es flüsst au viel Moos
Aber d'Panzer und d' Helis, tüend d'Stimmig vermiise
und denn chonnt no das Shithole mit siner blöde Friise.

Alle Verse der Gruppe Schlümpf music for fun finden Sie hier.

Ch. Leider

Bade isch wieder i bürgerliche Händ,

Das isch viellicht ned - was alli wänd.

Was doch alli cha freue - isch einzig nuuur,

de Stadtamme het wieder e Frisuuur!

-

Verteidigung, wie stohts? Wie witter?

Wele Flüger poschte? Was wär gschitter?

Eusi Doris wär scho froh um en eigne Bunker!

Det wär sie sicher vor de Küss vo dem Juncker!

Alle Verse der Gruppe Ch. Leider finden Sie hier.

D'Standpauke

Wotsch die beschte Schnäppli jage, denn muesch nur i’ d’City zBade. Well do eis ganz sicher isch, dass de au de einzig bisch.

  • Ebe jo … Apropos jage: Ich bi froh, dass ich mis Ässe ned muess jage. Ich weiss nämlich gar nid wo Pizza läbed.

Mir wäred so gern Schneidi-Fan, hätted sin Power furchtbar gern. Doch dynamisch würkt er akurat, leider nur uf sim Plakat.

  • Ebe jo … aber wenn me ihm vorher Bscheid git, chan er unheimlich spontan si.

Alle Verse der Gruppe D'Standpauke finden Sie hier.

Der Chaot

Bim FC Aarau  / ischsne glii scho wieder wohl.

Die tüend drum jetz / e Chlosterfrau is Gool 

und sind jetz sicher, / dass es besser goht, 

will die ganz sicher keine ine loht!

-

De Geri, dä hett’s voll kapiert,
d’Wähler, händ ihn massakriert.
denn dä armi Chaib, es isch eso,
stoht wieder, ohni Hose do.

Ich wett die Anti Geri Stimmig ächli schlichte

Drum tuen ich jetzt vo sine guete Tate brichte

das wärs scho gsi

Alle Verse des Chaoten finden Sie hier.

Ultimo Giro

Alls was bruuchsch uf de Wält das isch Badefahrt

Nume Badefahrt immer Badefahrt

Alls was bruuchsch uf de Wält das isch Badefahrt

Immer Badefahrt die ganzi Ziit

Alle Verse der Gruppe Ultimo Giro finden Sie hier.