Baden - Schneider, Merkel, Leuthard: Schnitzelbänke der Gruppe Ch. Leider

Grüezi min Name isch Trump

Supertrump@ch.leider.

Jetzt chönnd sie zuelose

wie mer tüend twittere

und d‘Wält vor eus tuet zittere.

-

D’Russe händ sich längscht iii g’häckt,

hinterhältig wie en Lump!

D’Amis händ das gar net checkt,

dorum händs jetzt hald de Trump!

-

Klimaforscher gänd Alarm,

eusi Umwält würd viel z warm!

Doch z Florida früreds am Hinter!

Trump twitteret, hesch gseh? Gliich Winter!

-

E Muur gäg d Mexikaner,

Peiplein bi de Indianer,

en rote Chnopf gäg Räketmän

und für sis Hirni Cillid Bäng!

-----------

Motzisch bi de Türgge – goht`s dir bitter.

Eis falsches Wort – chunnsch hinder Gitter.

Daaas! - Cha der in Dütschland ned passiere.

Det weiss mer ned emol – wer tuet regiere!

-

Als Maa -- chan ich‘s mir fascht net erlaube!

Doch im # ME TOO - fallt‘s mer schwer–alles z‘glaube.

Alli Fraue siged betroffe? Tüend die ned übertriibe?

Oder chönnt? - Z.Bsp. e Merkel? - Det öppis ineschriibe?

Doch! D‘Frau Merkel sig jetzt au debii!

Wüss zwar nid gnau wer s gsii chönnt sii!

Nur ungefähr, so öppe wer viellicht.

Es sig ebe dunkel gsii bim Stromusfall im Lift!

-----------

Was de Trump use lot, de isch nit ganz gsund

de red über d’Wirtschaft,

wie wenn er selber - us einere use chunnt - Hikks!

Was het er denn - vo Davos gha?

Er wär doch gschiiter, as Humorfestival uf Arosa?

-

Er redi nümm dütlich, en Untersuechigsgrund!

D’ Ärzt schnufed uf, de Trump sig gsund!

So Symtom sind bedänklich und ich frog mi: Wann

checkeds emol de Schneider Ammann?

-

Verteidigung, wie stohts? Wie witter?

Wele Flüger poschte? Was wär gschitter?

Eusi Doris wär scho froh um en eigne Bunker!

Det wär sie sicher vor de Küss vo dem Juncker!

-

Au wenn sie nur no Quatsch usstrahle!

Hauptsach - ich muess kei Billag me zahle!

Und überhaupt, - das rat ich dir!

Ersetz doch din Fernseh dur en Harrass Bier!

-----------

Bade isch wieder i bürgerliche Händ,

Das isch viellicht ned - was alli wänd.

Was doch alli cha freue - isch einzig nuuur,

de Stadtamme het wieder e Frisuuur!

-

Em Schneidi dem stöhnd d Hoor uf Sturm,

muess spare, spare, arme Wurm!

Doch s goht nid fürsi, s isch nid gloge!

D’ Sandra Kohler wott zerscht no d Lüüt go froge!

-

S’ Fasnachtsbudget het mer abegfahre,

bi Plakette und d‘Engeli bim Fübü – spaaare –

und min Vers -- isch au nur no en Drüzieler!!

-----------

Uf em Schloss Stei die richtig Fahne cha nid schade!

Jede gseht vo wiitem, mir sind wieder BADE!