Basler Fasnacht
Schnitzelbänke 2013: Dr Santiglaus isch zum Vasella ko...

Rund 70 Schnitzelbank-Gruppen von sechs Schnitzelbank-Vereinigungen singen an der Basler Fasnacht Montag- und Mittwochabend ihre Verse. Die Sujetpalette reicht vom Weltuntergang über Vasella, Mörgeli und Dépardieu bis zur Schweizer Ski-Nati und viel Lokalem. Nachfolgend eine Auswahl.

Drucken
Die Schnitzelbänke sind eines der Highlights an der Basler Fasnacht (Bild: Hanslimaa; Basler Fasnacht 2012)

Die Schnitzelbänke sind eines der Highlights an der Basler Fasnacht (Bild: Hanslimaa; Basler Fasnacht 2012)

Nars Kenneth

Zunächst: Der Maya-Kalender hatte nicht recht, der Weltuntergang fand nicht statt. Ein Bänkler konstatiert knapp:

*

Ich wart immer no uff dä Wältuntergang
--------------------------------------
--------------------------------------
Zaig dr näggscht Helge, s'got mir z'lang.
(dr Supperbebbi)

*

Die Schnitzelbänkler konnten sich also Aktuellem zuwenden:

*

Dr Santiglaus isch mit dr Ruete zum Vasella ko;
Dä het verzellt: Ych ha jo nur, was ych verdient ha, gno.
Do sait dr Santiglaus: Was Du verdient hesch mit em Zogge,
Das zell ych Dir scho ane, aber denn kasch nie meh hogge!
(Schwoobekäfer)

*
Bi däm Abgang vom Vasella - Si mergge s au
ihm fääle no sächs Joor bis zur AHV
dr Entscheid isch droffe, es isch e harte
ab jetz goht s bi ihm halt ans Ersparte.
(Fäärimaa)

*

Anderes liegt schon etwas weiter zurück, war aber allemal noch ein paar Verse wert:

*
Die hänn in Ziiri oobe scho no groossi Sörgeli.
Ihr ahned sicher was jetz kunnt - mit em Herr Mörgeli.
Dä Herr Profässer isch doch wirgglig nid ganz bache.
Drum hänn mir gsait mir wänn kai Värs do driiber mache.
(Gasladärne)

*
An dr Züürcher Uni duet sich dr Mörgeli bewäärbe
Är kennt die Uni guet und könnt logger Räggder wäärde.
Näb de Stärggene kenni är - und das isch ussergwöönlig -
vo däären Uni d Schwachstell persöönlig.
(die Haiggle)

*
D SVP die schreit vo Rorschach bis uf Rieche
An de Unis haigis numme linggi Sieche
Dä SVPler-Mangel zaigt nur aimol mee:
Wär ka dängge isch nit in dr SVP.
(Dootebainli)

*
D Frau Rickli het e schwere Kater,
e Burn-Out - maint dr Psychiater.
Si twitteret: bin im Spital, das Essen kann ich loben,
doch schaffen bis ganz oben leider Gottes nüt als Schwoben.
(Stächpalme)

*

Zu den "Schwoobe" und den Umständen, die man mit ihnen hat, meinen die Bänkler:

*
D'Schwoobe schigge, nid grad knabb
Das Styyrabkommegsetz bachabb
Das het uns zaigt, do simmer froo:
Es woone doch nooni alli doo.
(Nachtschwärmer)

*
Jetz kemme pletzlig unseri stolze Schwyzer Bangge,
Bezüglig Bangggehaimnis doch no bees ins Wangge.
Das isch uns glych, denn es git wichtigeri Sache:
Zem Byspyyl s Ghaimnis wie mir Appizäller mache.
(Gasladärne)

*
Jo lägg doch mir, jo lägg doch mir, jo lägg doch mir, du Schwöbli,
Jo rutsch mir doch der Buggel ab und bloos du mir in d Schueh,
Jo lägg doch mir, jo lägg doch mir, jo lägg doch mir, du Schwööbli,
Jo iss du nur die Currywurscht und loss du uns in Rueh!
(Wyybuure)

*

Ein Bänkler befasst sich sodann mit Kriminaltouristen, andere mit nationaler Politik, der zweiten Gotthardröhre, die nicht zu mehr Fahrspuren führen soll oder den Zählkünsten des Ständerats:

*
Die kriminelle Profis us em Ussland - also nai
Die kömme do go stääle und denn göön si wider hai
Was si denn dehaime mache isch mir nid bekannt
Im Wallis gosch uff d Polizei und wirsch dört Kommandant.
(DreyDaagsFliege)

*
Dr Alain goot uff d Faarma loss, dr Hannes het s zem Ganges driibe
dr Didier gilt zwoor als famoos, das het er aber sälber gschriibe
dr Ueli liebt dr Iiberschall, d Schweede dien ems nit veriible
d Evelyne blybt hart am Ball und het dr Staibrugg paggt am Fiidle
d Simonetta isch fir Windgrafftwäärgg, s Doris lächled iberdriibe
s isch wie bim Grimm und syne Zwäärgg - Gottseidangg sinn s numme siibe!
(d Rätschbääse)

*
E zwaiti Gotthard-Röhre und nit meh Verkehr,
mit däm Thema dien mir uns e bitzli schwer.
S isch wie glyychvyl Bier uss zwei verschiidne Fläsche
oder mit zwei Maschine glychvyl Windle wäsche.
(Wäägwyyser)

*
Dr Leerer Maier sait zem Fritzli:
"Bim Zelle, gäll, doo glemmt s e bitzli.
Du waisch, wenn das so wytergoot,
längt s numme fir in Ständeroot."
(dr Spitzbueb)

*
Jetz kämpft d Schwyz in Malmö mit wenig Gäld,
fir "Null Phinggt" - mit dr beschte Armee vo dr Wält!
Drum frooge sich d Schwede noch däm Halleluja,
eb d Schwyzer dä Gripen wirgligg mien haa.
(Hanslimaa)

*

Ein grosses Thema der Schnitzelbänke sind in diesem Jahr die glücklosen Schweizer Skifahrer, aber auch andere Vorfälle rund um den weissen Sport. Hier einige Beispiele:

*
Em Carlo Janka faart dr Dierschutz groob an Kaare
är haig im letschte Renne glatt drey Schnäggen iberfaare
"joo, das gib y zue" sait är, das miess me halt verstoo
die Viicher syyge dummerwyys vo hinde z rase koo.
(d Rätschbääse)

*
Wenn Ski-Stars rasant dr Hang ab spuure,
bruucht's zem d'Zyt z'bestimme hochpräziisi Uhre.
Doch wenn d'Schwyzer Manne sich dr Hang ab zwänge,
duet e Wand-Kaländer längschtens länge!
(Glettyse)

*
Carlo Janka und Konsorte dien nüm um d Medaille fahre
Well bim Azug heg me das Joor halt e bitzli miesse spare
Mir finde das nid mol so schlimm well sunsch amme ungefähr
10 Sekunde vor em Fahrer scho si Goschdym dunde wär.
(Veritas-Brieder)

*
E Schwoob, dä het am Schyylift dränglet.
E Ziircher het em aini bänglet.
Was wänn mir ys jetzt doo biklaage:
E Schwyzer het uff Schyy ain gschlaage!
(dr Spitzbueb)

*
Olympia im Bündnerland - das gääb e Riisefescht
mit Milliarde Defizit und mit illuschtre Gescht
Nur derft me dert uff kai Fall s Vreni Schneider singe losse
Sunscht wurd sie uns, so wie sie danzt, no als Problembär gschosse.
(DreiDaagsFliege)

*
Si, in mim Wartzimmer sitze Patiänte, die sin traumatisiert,
die hän ungschützt Lieder vo dr Vreni Schneider konsumiert.
Däne het's allne, do chasch jede frooge,
d Zeecheneegel wie Schiispitz uffe booge.
(Doggter FMH)

*

Und für die geplagten Schneesportler noch ein kleiner Trost - dank Lindsay Vonn, die bei den Männern starten wollte. Zudem ein Kommentar zu einer Geste des Schweizer Fussball-Nationaltrainers, die streng geahndet wurde:

*
D Lindsay Vonn mecht bi de Männer aimool butze,
doch weeder d Pischte no d Garderoobe darf sie nutze.
Jetz git s e Voorschlaag vo de Faarer ganz e lusche,
als Kompromiss daarf sie mit iine zämme dusche.
(die Penetrante)

*Mir sinn haiggel und wüsse wie das goot
Es zellt was de mainsch, und nid wär was verstoot
Das Gsprööch het dä Schiri fääl interpretiert
wo dr Hitzfäld allei mit sym Mittelfinger fiert.
(die Haiggle)

*

Und nun ab ins Ausland, mit dem französischen Schauspieler Gerard Dépardieu oder Prinz Harry. Zu weiteren Versen inspirierten der Alkoholtest für Autofahrer in Frankreich, ein Gerichtsurteil in Deutschland zur Knabenbeschneidung und der Nobelpreis für die EU:

*
Bi de ryyche Franzoose, das muesch gseh,
isch Monopoly spiile lengscht passé.
statt Stroose kaufe - Hotel baue,
Statt sinnlos Spiilgäld go versaue,
spiile sie jetzt mit grossem Gnuss,
Sigg Sagg Sugg und di bisch Russ.
(Wanderratte)

*
Dr Depp-par-Dieu dä lyydet Quaale,
Äär wett däm Franggryych nyt mee zaale,
Glaar, ass dää uff Moskau goot,
Wenn iiberaal "Free Pussy" stoot!
(D Emigrante)

*
Uf Moskau haut s dr Depardieu, die morschi Gallier-Eiche.
Jetz kan är, wenn s bressiert, an s Kanapee vom Putin saiche.
Doch dass das wäg' de Styyre isch, das kan är nit verzelle;
Dä het doch z Frankrych nümme in die Gugge bloose welle.
(Schwoobekäfer)

*
Dä Alggthescht, wo hättsch sotte haa
zem zue de Waggis faare,
wär aifach und verständlig gsii,
dä gheert in jeede Kaare.
Phagg uffrysse, ganz fescht bloose
und scho deent dr Satz:
"Mösiöö, so wie s üüsgseet
het ain Beaujolais no Platz."
(d Syydiaane)

*
Wo der Prinz Härry aanestoot
und bsoffe d Hoose aabeloot,
zaigt er syni Groonjuweele und sait: "Jä nu - was wott y?
Das macht dr Spanisch Keenig au - nur git's vo däm kai Fotti."
(Peperoni)

*
Die Beamte z'Brüssel juuble unschiniert
Si hän dr Friidensnobälbryys danggend annektiert
Jetz mien s'en zrugg gää - jä, es reut si zwor enorm
Doch d'Form vom Bryys isch halt nit EU-Norm-konform
(Babberlababb)

*
S'dien d'Jude und d'Moslem de Buebe s'Zipfeli beschnyyde,
das wänn die Griene was-gisch-was-hesch vermyyde,
will unter dr Vorhut, e-n Yysprooch isch vergäbe,
schynts e huffe sälteni Dierli lääbe!
(Glettyse)

*
Ach Mohammed, ach Mohammed ...
Ach Mohammed, ach Mohammed ...
Ach Mohammed, ach Mohammed ...
Ych waiss, dass y dy nit erwäähne sett!
(die Antiquierte)

*

Zürcher-Verse sind zwar nicht von allen Fasnächtlern geschätzt, doch dieses Jahr haben Ereignisse in Zürich Anlass für ein paar lesenswerte gegeben:

*
Im Zolli vo Ziiri isch en Aff verschwunde.
Me het schyyns das Dier bis hit nit gfunde.
Ich mach mer folgende Ryym do druff:
In Ziiri fallt e n Aff nit uff.
(Bildsteerig)

*
Bim Bürkliplatz e Fraidefyyr
d Rageete styygen uff!
Sie danze uff dr Bahnhofstrooss,
ganz Ziri liggt im Suff!
Sie fyyre und Champagner glepft,
die Stadt stoht Kopf komplett,
Well nämmlig grad dr FCZ
Platz nyyn im Strichkampf gwunne het!
(d Striggede)

*
E Frau muess hit in Ziiri - wenn sie wott spaziere goo,
bsunders wenn sie s Trottoir bruucht - e Ticket uuseloo.
Und uff däm Ticket hindedruff stoht: Basse Sie joo uff,
bi Stroosse mit vyyl Stoossverkeer - gits no glyy e Buff!
(die Blauäugige)

*
Dä Summer het me z'Oerlikon e Huus nach Oschte gschoobe
Das isch ändligg mol e Laischtig vo de Zürcher wo d'kasch loobe
Jetz wo sie Iebig hän, do kennte sie - mit wurde das sehr schetze
S'neggscht Mool die ganzi Stadt grad bis noch Eeschtryych wäg versetze
(die Gsalzene)

*

Die Schnitzelbänkler greifen zudem viele Basler Themen auf - die Anzeigetafeln an den Tramhaltestellen der BVB, die seit Monaten nicht funktionieren, einen erneuten Ausbruch aus dem Untersuchungsgefängnis Waaghof durch eine Nachbarwohnung, den neuen FDP-Polizeidirektor Baschi Dürr, jung im Auftritt, der den Freitag zu seinem Wäschetag erklärt hatte (seine Regierungskollegin Eva Herzog ist Finanzdirektorin) oder das Ende der BaZ-Druckerei:

*
Sii mien laider uf my erschte Väärs verzichte.
Ych haa döört welle vo däm Wooghoofussbruch brichte.
Do sait my Helgebueb, er fändi das perväärs,
ych bringi jeedes Joor efang die glyyche Väärs.
(Singvogel)

*
Im Wooghoof wird jetz noonemool
ganz dyyr renoviert:
Gäng und Diire wärde braiter
und e Rollstuellift montiert.
Im Wääg zur Kuchi im Nochberhuus
kunnt Belyychtig dryy.
Behindertegerächt mien drum
lut Gsetz au Fluchtwääg syy.
(d'Syydiaane)

*
4 Aier, Rosyynli und bitz Schwaineschmalz
Denn zwai Deezi Milch, und en Ässleffel Salz.
Zwai Baggpulverseggli und bitz Schoggi nach Waal -
Also jetz spinnt die BVB-Aazaig totaal!
(Wyybuure)

*
Die BVB-Infodafle wänn nit funggtioniere.
Die bruucht's doch nit, vo uns us kennt me die drum abmontiere:
Bim Drämmli gits nur zwai Variante, die waisch im vorab:
es isch entwäder z'spoot odr faart vor dr Nase ab.
(Luuszäpfe)

*
D Mehrhait vo de Wähler sinn z Basel derfyyr
Dr ney Regierigsrot isch gwählt und haisst Baschi Dürr
Aber, dängget draa, as men em dääglig zwischen Acht und Zäh
As er waggst und gedeyht, e bitz Wasser sott gää.
(d'Ständerlampe)

*
Wie gsehsch au us, schimpft s Herzog Evi.
E Kluft hesch wie vom Wooghoof-Cheefi!
D Hose z churz, dr Chüttel gschrumpft, so chas nümm wytergoh,
Baschi, gäll hesch d Schaale wider voll in d Chochwösch doo?
(Stächpalme)

*
Ny Hemmli kunnt us Bangladesch, uss Ängland schlächte Wyy,
und s billigscht Händy fiere sy diräggt us Taiwan yy.
Ass jeede Ramsch vo usswäärts kunnt, das macht my nimm verruggt.
Denn schliesslig wird au d Basler Zytig jetz in Ziiri druggt.
(Schnaabelwetzer)

*

Und zum Schluss eine Erfahrung, die man am Ende einer Fasnachts-Nacht wohl auch anderswo als nur in Basel machen kann:

*
Hey Mann ich Taxi - Du saage was witt,
Weisch ich geschter koo und ich kenne Stadt nit.
Gisch fuffzig Euro - do isch Wettstaibrugg,
Räschte lauffsch sälber, ych hauen jetz zrugg.
(Schooffsuuri)

*

Aktuelle Nachrichten